Маҳсулотҳо

Корхонаи истеҳсоли маҳсулоти гуштӣ ва ҳасибҳои Ҷамъияти дорои масъулияти маҳдуди “Акома” барои истеҳсоли маҳсулоти гуштӣ ва ҳасибҳо аз гӯшти тозаву босифат ва ғизоноки чорвову паранда, ки ҳамаҷониба кафолати сифат ва бехатарӣ доранд, истифода мебарад.

Ҳамаи маҳсулоти корхона бо дарназардошти дастрасии осону қулай ва қобили таваҷҷуҳи мизоҷон истеҳсол гардида, минбаъд низ ин омили асосӣ дар мадди аввал қарор дода мешавад.

Бо мақсади ҳифз ва тарғиби арзишҳои милливу таърихӣ ва эҳсоси ватандӯстӣ ба баъзе аз навъҳои маҳсулоти корхона номи минтақаҳои гуногуни Тоҷикистон гузошта шудааст, аз ҷумла “Бохтарӣ”, Саразм”, “Бадахшон”, “Ҳулбук”, “Роғун”, “Кӯшониён”, “Ориёӣ”, “Акома” ва “Маликона”.

Ба ғайр аз инҳо, маҳсулоти гуштӣ ва ҳасибҳои “Акома” бо номҳои “Пойтахт” ва “Душанбе” низ истеҳсол гардида, ба фурӯш бароварда шудааст.

Ҳамзамон, бо арҷгузорӣ ба забони ноби тоҷикӣ, баъзе навъҳои маҳсулоти корхона “Ватанӣ”, “Сарват”, “Шоҳона”, “Мужда”, “Зайтун”, “Накҳат” ва “Ҷонон” номгузорӣ шудаанд, ки низ тарғибгари ифтихороти милливу ватандӯстӣ мебошанд.

Ҳадафи гуногунрангии номгузорӣ дар маҳсулоти корхона, аз як тараф, тарғиби арзишҳои милливу таърихӣ ва эҳсоси ватандӯстӣ бошад, аз сӯйи дигар, пешниҳоди интихоби васеъ ба сокинони ҷумҳурӣ аст, то ин ки ба таври доимӣ ба маҳсулоти гӯштӣ ва ҳасибҳои хушсифати аз ҷиҳати экологӣ тоза дастрасӣ дошта бошанд.

Дар баробари ин, корхона барои хурдсолон 2 навъи ҳасибчаҳои аълосифат истеҳсол мекунад. Таркиби ин ҳасибчаҳо аз гӯшти баландсифати гов ва мурғ, шири тозаи гов, тухми аълосифат иборат мебошанд. Тибқи тавсияи мутахассисон, ин ҳасибчаҳо ҳамчун манбаи сафедаи осон ҳазмшаванда барои организми кӯдакон муфид аст. Ҳасибчаҳои кӯдакона сохтори нозук дорад, бастубандаш низ рангин буда, аксҳояш аз қаҳрамонҳои афсонавӣ гирифта шудаанд, ки писанди кӯдакон ва волидайн аст.

Инчунин, якчанд навъи ҳасибҳои корхона бо усули мангал тайёр карда мешаванд. Ин намуди деликатесҳо барои сайёҳону гардишгарон, ки берун аз шаҳр барои истироҳату тамошо мераванд, хеле қулай мебошад.

Дар корхона ҳамзамон бо усулҳои наву замонавӣ, аз он ҷумла, маҳсулоти гӯштии бӯғпаз, ки дар бастаҳои реторт (фольга) бастабандӣ мегарданд, истеҳсол мекунад. Ин навъи маҳсулот дастраси истеъмолкунандагон буда, ҳамчун маҳсулоти зудтайёршаванда дар муҳити хона қулай аст. Бастаи реторт як бастаи насли нав аст, ки хосиятҳои судманди гӯштро нигоҳ медорад.

Ҳамчунин, корхона сихкабоби сиркокардашуда ва хушбӯйкунанда (маринованный) бо гӯшти гусфанд, гов ва мурғ истеҳсол менамояд, ки барои омодасозӣ дар муҳити хона ва берун аз шаҳр хеле қулай мебошад.

Корхонаи “Акома” омода аст, ки мутобиқ ба талаби мизоҷону фармоишгарон истеҳсоли маҳсулоти навъҳои писандидаашонро ба роҳ монад.